लग्नाच्या काही वर्षानंतर सैफ अली खान आणि अमृता सिंग यांच्यात मतभेद निर्माण झाले आणि त्याचा परिणाम म्हणजे १३ वर्षांनी त्यांचा घट स्फोट झाला होता.
सैफ अली खान आणि अमृता सिंग त्यांच्या फिल्मी करिअरसोबतच त्यांच्या वैयक्तिक आयुष्यामुळेही चर्चेत असतात. सैफ अली खान आणि अमृता सिंग यांचे लग्न १९९१ मध्ये झाले होते. हे लग्न खूप गाजले होते, त्यामागे दोन खास कारणे होती, पहिली म्हणजे अमृता सिंग त्यावेळची इंडस्ट्रीतील प्रसिद्ध अभिनेत्री होती, तर सैफने तेव्हा चित्रपटात पदार्पणही केले नव्हते. दुसरीकडे, सैफ अली खान वयाने अभिनेत्री अमृता सिंगपेक्षा खूपच लहान होता.
लग्नाच्या वेळी सैफ अली खान २१ वर्षांचा होता, तर अमृता सिंग ३३ वर्षांची होती. या लग्नापासून त्यांना सारा अली खान आणि इब्राहिम अली खान ही दोन मुले झाली होती. तुम्हाला सांगतो की, लग्नाच्या काही वर्षानंतर सैफ अली खान आणि अमृता सिंग यांच्यात मतभेद निर्माण झाले आणि १३ वर्षांच्या लग्नानंतर २००४ मध्ये त्यांचा घट स्फोट झाला. पण, प्रकरण इथेच संपले नाही.
मीडिया रिपोर्ट्सनुसार, घट स्फोटाच्या बदल्यात अमृता सिंहने सैफ अली खानकडे मोठी पोटगी मागितली होती. अमृताने सैफकडे पोटगी म्हणून ५ कोटी रुपयांची मागणी केल्याचे बोलले जात आहे. इतकंच नाही तर मुलगा इब्राहिमच्या वयाच्या १८ वर्षांपर्यंत सैफ अली खानलाही दरमहा १ लाख रुपये दयावे लागत होते.
एका मुलाखतीत सैफने पोटगीशी संबंधित प्रश्नावर सांगितले होते की, माझ्याकडे इतके पैसे नाहीत, मी शाहरुख खान नाही पण तरीही मी त्याला वचन दिले आहे की मला कितीही कष्ट करावे लागले तरी मी हे सर्व देईन. तो अमृतापासून वेगळा झाल्यानंतर सैफने अभिनेत्री करीना कपूर सोबत २०१२ मध्ये लग्न केले होते.
सैफ आणि करीना ‘टशन’ चित्रपटाच्या सेटवर प्रेमात पडले होते. त्यावेळी ग्रीसमध्ये चित्रपटाचे शूटिंग सुरू होते आणि त्यानंतर सैफने करिनाला लग्नासाठी प्रपोज केले होते. करीनाने पिंकविलाला दिलेल्या मुलाखतीत सांगितले होते की, सैफने तिला प्रपोज करताना म्हटले होते – मला वाटते आपण लग्न केले पाहिजे. करिनाच्या म्हणण्यानुसार, सैफने तिला लडाखमध्येही हेच सांगितले होते. पण त्यावेळी करिनाला वाटले की ती सैफला फारशी ओळखत नाही. तिला त्याला अधिक जाणून घ्यायचे होते.