छोट्या पडद्यावरील रसिकांची अत्यंत आवडती मालिका म्हणजे तारक मेहता का उल्टा चष्मा! गेल्या अनेक वर्षापासून ही मालिका आणि मालिकेतील व्यक्तीरेखा त्यांच्या दमदार अभिनयाने रसिकांच्या मनावर अधिराज्य गाजवताना दिसत आहेत. यातील प्रत्येक पात्र वैशिष्ट्यपूर्ण आहे, मात्र रसिकांची आवडती जोडी ठरली आहे ती म्हणजे जेठालाल आणि दया यांची. या दोघांच्या नैसर्गिक अभिनयावर रसिक फिदा आहेत. त्यामुळे या जोडीची एकत्र धमाल पाहण्याची रसिकांना जशी सवयच लागली आहे.
दयाबेनचं पात्र साकारणारी अभिनेत्री दिशा वकानीनं (Disha Vakani) काही काळापूर्वी मुलगी लहान असल्याचे कारण देत या मालिकेतून ब्रेक घेतलेला. दिशा या मालिकेत कधी परतणार हे जाणून घेण्याची चाहत्यांना बरीच उत्सुकता लागली आहे.
सब टीव्हीवरील ‘तारक मेहता का उल्टा चश्मा’ या मालिकेनं अल्पावधीतच घराघरात आपलं एक वेगळं स्थान निर्माण केलं आहे. यातील जेठालाल, दयाबेनसोबतच गोकुलधाम सोसायटीतील प्रत्येक पात्राची विशेष ओळख सगळ्यांना परिचित आहे. दयाबेनचं पात्र साकारणारी अभिनेत्री दिशा वकानीनं काही दिवसांपूर्वी या मालिकेतून ब्रेक घेतला. दिशा या मालिकेत कधी परतणार याबाबत चाहत्यांना खुपच उत्कंठा लागली आहे. आपल्या हटके अंदाजात ‘हे माँ माताजी’ हा दयाबेनचा लोकप्रिय डायलॉग ऐकायला तिचे चाहते आतूर झाले आहेत.
निर्माते दयाबेनला मालिकेत परत आणण्यासाठी खूप दिवसांपासून प्रयत्न करत आहेत. दयाबेननं मालिकेत परत येण्यासाठी काही अवास्तव अटी घातल्याचं पुढे येत आहे. त्याचबरोबर प्रत्येक एपिसोडसाठी आकारण्यात येणाऱ्या फीमध्येही वाढ केल्याची माहिती सूत्रांकडून समजते.
‘तारक मेहता का उल्टा चश्मा’ या मालिकेच्या प्रत्येक एपिसोडसाठी दयाबेननं म्हणजेच दिशा वकानीनं तब्बल दीड लाख रुपयांच्या फीची मागणी केल्याची चर्चा आहे. त्याचबरोबर शूटच्या दिवशी केवळ ३ तास काम करण्याची अटही दिशानं घातली आहे. याशिवाय शूटिंगच्या सेटवर तिच्या लहान मुलीसाठी नर्सरी आणि एका मदतनिसाची मागणीही तिनं केल्याचे समजते. दिशाच्या वतीनं तिचे पती मयूर निर्मात्यांशी चर्चा करत आहेत. त्यामुळे या सर्व अटी मयूर यांनी घातल्याची चर्चा आहे. त्याला अद्याप दयाबेन किंवा निर्मात्यांकडून दुजोरा मिळालेला नाही. आता दयाबेनच्या नव्या अटी निर्माते मान्य करणार का? की दयाबेनशिवायचं ही मालिका सुरू राहणार हे आगामी काळातच स्पष्ट होईलच.
दिशा वकानीनं २००४ साली ‘खिचडी’ या मालिकेतून तिच्या करिअरची सुरुवात केली होती. याशिवाय दिशानं अनेक गुजराती मालिकांमध्येही काम केलं आहे. मात्र ‘तारक मेहता का उल्टा चश्मा’मधील दयाबेनच्या पात्रानं दिशाला मोठी प्रसिद्धी मिळवून दिली आहे. आता दिशा वकानी ही छोट्या पडद्यावरील सर्वाधिक लोकप्रिय अभिनेत्रींपैकी एक म्हणून ओळखली जाते. ‘तारक मेहता का उल्टा चष्मा’ या मालिकेमुळं दिशानं लोकप्रियतेचं शिखर गाठलं. म्हणूनच आज तिला तिच्या खऱ्या नावापेक्षा दया बेन या नावानंच जास्त ओळखल जातं.