रात्रीस खेळ चाले याच्या दुसऱ्या पर्वातील मालिकेत शेवंता हे पात्र साकारणारी अपूर्वा नेमळेकर महाराष्ट्रातील घराघरात पोहोचली आहे. मालिकेतील तिच्या शेवंता या पात्राची भूमिका तिने अत्यंत दमदाररित्या निभावली आहे, याची पोचपावती तिला रसिक प्रेक्षकांकडून भरभरून मिळणाऱ्या कॉमेंट्स मधून सोशल मीडियावर मिळत होती !
View this post on Instagram
मात्र रात्रीस खेळ चाले या मालिकेच्या तिसऱ्या पर्वात तिच्या भूमिकेला पुरेसा वाव मिळत नव्हता. याशिवाय मालिकेतील सह कलाकारांकडून तिला अपमानास्पद वागणूक मिळत होती, तिच्या लठ्ठपणावर खिल्ली उडवली जात होती. एवढेच नव्हे तर केलेल्या कामाचे पैसेही वेळच्या वेळी मिळत नव्हते. याबद्दलची माहिती अपूर्वा ने
तिच्या सोशल मीडियावरील एका पोस्ट मधून दिलेली. या सर्व कारणास्तव अपूर्वाने रात्रीस खेळ चाले ३ ही मालिका सोडण्याचा निर्णय घेतला.
शेवंताच्या भूमिकेने तिला अमाप प्रसिद्धी मिळाली होती मात्र हा निर्णय घेताना मला त्रास होतोय असेही ती यावेळी म्हणाली . यानंतर लवकरच मी नव्या भूमिकेतून तुमच्या समोर येईल असा विश्वास तिने तिच्या चाहत्यांना दिला होता.
अपूर्वा नेमळेकर आता लवकरच एका दमदार भूमिकेतून प्रेक्षकांच्या भेटीला येत आहे. सोनी मराठीवरील’स्वराज्य सौदामीनी ताराराणी’ या मालिकेत अपूर्वा ‘राणी चेनम्मा’ ची ऐतिहासिक भूमिका साकारताना दिसणार आहे.
सुरुवातीला जेव्हा या भूमिकेबाबत अपूर्वाला विचारण्यात आले त्यावेळी ती या भूमिकेबाबत साशंक होती की, ‘मी या भूमिकेला न्याय देऊ शकेल की नाही?’ माझ्यासमोर खूप मोठे मानसिक आव्हान आले. पण मी ही भूमिका साकारण्याची ठरवले असे ती म्हणाली…
दरम्यान ही भूमिका स्वीकारण्या अगोदर राणी चेनम्माची व्यक्तिरेखा जाणून घेण्याची तिची इच्छा होती या व्यक्तिरेखेचा इतिहास तिने जेव्हा जाणून घेतला तेव्हा हे आव्हान स्वीकारण्याचा जबरदस्त आत्मविश्वास तिच्यात निर्माण झाला. आणि आपण ही भूमिका करणार असा ठाम निश्चय तिने केला.
View this post on Instagram
ही भूमिका साकारताना वैयक्तिक पातळीवर, खूप मोठी नैतिक जबाबदारी जाणवत असल्याचे अपूर्वा सांगते . कारण अशा भूमिका साकारताना प्रेक्षक
त्या व्यक्तिरेखेला ऐतिहासिक दृष्टिकोनातून पाहतात ज्याच्यामुळे चाहत्यांसाठी तो कलाकार एक आदर्श बनतो. आशा करते, ही भूमिका साकारताना प्रेक्षकांच्या अपेक्षेला मी खरी उतरेल. माझ्या आजवरच्या भूमिकांना प्रेक्षकांनी असिमीत प्रेम आणि आशीर्वाद दिलेत ते यापुढेही वृद्धिंगत होतील अशी आशा करते असे अपूर्वा नेमळेकरने यावेळी म्हटले आहे.
अपूर्वा तुला या आगामी नव्या प्रोजेक्टसाठी खूप खूप शुभेच्छा! अश्याच नवनवीन भूमिका साकारत तू कायम आंम्हा सर्वांच्या भेटीला येत राहा!