कॉमेडी सर्कस मधून फेमस झालेली एक हरहुन्नरी कलाकार म्हणजे भारती सिंग! आपल्या निखळ विनोदाच्या जोरावर आज ती जगाच्या कानाकोपऱ्यात जाऊन पोहोचली आहे.आणि आता मुलाचा जन्म झाल्या नंतर केवळ १२ दिवसांनी कॉमेडियन भारती सिंहने आपल्या कामाला सुरुवात देखील केली आहे. तिचे शूटिंगच्या सेटवरील काम करतानाचे व्हिडीओ आणि फोटो समोर आल्यानंतर तिच्या चाहत्यांनी यावर आश्चर्य व्यक्त केले आहे.
View this post on Instagram
भारतातील कॉमेडी क्वीन भारती सिंहने काही दिवसांपूर्वीच एका गोंडस बाळाला जन्म दिला आहे. हर्ष लिंबाचिया आणि भारती सिंह सध्या लहान बाळाचे पालक होणं मनापासून एंजॉय करत आहेत. भारती टॅलेंट हंट रिअॅलिटी शो ‘हुनरबाज: देश की शान’ च्या सेटवर अँकरिंग करताना दिसली. या शोच्या शूटिंगपूर्वी आणि नंतरही भारती मीडियाच्या फोटोग्राफर्स सोबत नेहमीप्रमाणे बोलताना दिसली.
सोशलमीडियावर आता भारती सिंहचा आणखी एक व्हिडीओ जोरात चर्चेत आला आहे, ज्यामध्ये ती तिच्या दुसऱ्या मुलाच्या प्लॅनिंगबद्दल बोलताना दिसत आहे. या व्हिडीओमध्ये, मीडिया वाल्यांशी गप्पा मारताना भारती गंमतीत अस म्हणते आहे की तिच्या बेबी बॉयसाठी बहिण असावी याचं आता प्लॅनिंग करायला हवं. पोस्ट रॅप अप च्या या व्हिडिओमध्ये, भारती सिंह तिच्या दुसऱ्या मुलाच्या प्लॅनिंगबद्दल बोलताना पाहायला मिळत आहे. यावेळी देखील तिचा वेगळा विनोदी अंदाज सर्वांना पाहायला मिळाला.
व्हिडिओ मध्ये काय म्हणत आहे भारती सिंह?
View this post on Instagram
भारती सिंहचा हा मजेदार व्हिडीओ सेलिब्रिटी फोटोग्राफर विरल भयानीने मीडियावर शेअर केला आहे. ज्यामध्ये फोटोग्राफर्स भारतीला असं विचारत आहेत की, ‘भारतीजी एका बाळाची आई झाल्यानंतर आयुष्य किती बदलले आहे?’ ज्याचे उत्तर देताना कॉमेडी क्वीनने तिच्या मजेदार अंदाजात असे उत्तर दिले की, ‘आता असे मनात येत आहे की, आणखी एक बाळ व्हायला हवे.
भारती पुढे म्हणाली की, ‘लोक त्रास देऊ लागले आहेत. मुलगा असेल तर त्याला बहीण हवी असे म्हणतात. मुलगी असेल तर तिला भावाची गरज आहे असे म्हणतात. म्हणजे आपण अशा जोड्या बनवत राहिले पाहिजे.’ त्याआधी आलेल्या व्हिडिओ मध्ये भारती १२ दिवसांच्या मुलाला घरी ठेवून कामावर येण्याबाबत व्यक्त होताना दिसली होती. तिच्यासाठी हा निर्णय किती कठीण बनला होता याबाबत तीने तिच्या भावना व्यक्त केलेल्या .
View this post on Instagram
भारती आणि हर्ष ३ एप्रिल रोजी एका मुलाचे पालक बनले. ज्याला त्यांनी प्रेमाने ‘गोला’ असं संबोधतात. लहान बाळाला सोडून कामावर येण्याबाबत बोलताना भारतीने सांगितले की, ‘मी बाळाला व्हिडीओ कॉलवरही पाहिलं आणि त्यानंतर मला रडू आलं. पण मी म्हटलं- शो मस्ट गो ऑन. बाळ लहान आहे त्यामुळे त्याला आई-वडिलांची ओळख नाही आहे. त्यामुळे ते दूध पितं आणि झोपी जातं. मला फक्त पॅक अप करुन घरी जावसं वाटत आहे.’