भारतीय क्रिकेट संघाचा माजी कर्णधार महेंद्रसिंग धोनी आणि विराट कोहली हे भारतीय क्रिकेटचे हे दोन अनमोल रत्न आहेत. विराटच्या नेतृत्वाखाली, टीम इंडियाने मर्यादित षटकांच्या क्रिकेटमध्ये आतापर्यंत एकही विजेतेपद जिंकले नाही, परंतु कसोटी मध्ये संघाने दीर्घकाळ आयसीसी कसोटी क्रमवारीत स्वतःला नंबर-१ वर ठेवले होते. चला तर मग आम्ही तुम्हाला त्या दुर्दैवी खेळाडूं बद्दल सांगतो जे या दोघांच्या कर्णधारपदाच्या काळात प्रतिभावान असूनही त्यांच्या क्रिकेट करिअर मध्ये काही खास करू शकले नाहीत.
अंबाती रायुडू
इंग्लंड आणि वेल्स मध्ये झालेल्या विश्वचषकात भारतीय क्रिकेट संघ विजयरथावर स्वार होता. असे असताना भारतातील मधल्या फळीतील फलंदाज अंबाती रायुडूने निवृत्ती घेतली होती. खरे तर रायुडूची निवड समितीने विश्वचषकाच्या संघ निवडीदरम्यान कव्हर प्लेयर म्हणून निवड केली होती. अष्टपैलू अंबाती रायडूच्या दुखापतीनंतर मयंक अग्रवालला संघात स्थान देण्यात आले होते. अंबाती रायुडूला सलग २ वेळा दुर्लक्षित करण्यात आले होते. मयंक अग्रवालला विश्वचषकात एकही सामना खेळण्याची संधी मिळाली नसली तरी तो १५ सदस्यीय संघाचा भाग होता. विराट कोहलीने त्याच्याकडे दुर्लक्ष केले, कदाचित ही बाब मनावर घेऊन त्याने निवृत्ती जाहीर केली असावी.
अमित मिश्रा
एकेकाळी भारतीय क्रिकेट संघात अमित मिश्राच्या नावाची बरीच चर्चा होती. हा ऑफब्रेक गोलंदाज खूप चांगली गोलंदाजी करत होता. पण तत्कालीन कर्णधार महेंद्रसिंग धोनीने अमितला ज्या संधी मिळायला हव्या होत्या त्या दिल्या नाहीत. अमितने भारतीय क्रिकेट संघासाठी तिन्ही फॉरमॅट मध्ये गोलंदाजी केली होती. अमितने ऑस्ट्रेलिया विरुद्ध कसोटी पदार्पण केले आणि ४० डावांत ३.१९ च्या इकॉनॉमीने ७६ बळी घेतले होते. त्याने २००३ मध्ये दक्षिण आफ्रिके विरुद्ध एकदिवसीय क्रिकेट मध्ये पदार्पण केले होते. यासह त्याने ३४ डावात ४.७२ इकॉनॉमीने ६४ विकेट घेतल्या होत्या. T-२० सामन्या मध्ये त्याने १० सामन्यात ६.३१ च्या इकॉनॉमीने १६ विकेट घेतल्या होत्या.
मनोज तिवारी
मनोज तिवारी हे नाव ऐकल्यावर तुम्हाला भोजपुरी स्टारचा फोटो आठवला असेल. पण या नावाच्या खेळाडूने भारतीय क्रिकेट संघातही चांगला खेळ दाखवला होता. मनोज तिवारी या स्टार नावाच्या खेळाडूने प्रथम श्रेणी क्रिकेट मध्ये चांगली कामगिरी करत टीम इंडियात प्रवेश केला होता. त्याने २००८ मध्ये ऑस्ट्रेलिया विरुद्ध वनडे पदार्पण केले होते. यानंतर मनोजने काही विशेष कामगिरी केली नाही. १२ सामन्या मध्ये फलंदाजी करताना त्याला २६.०९ च्या सरासरीने केवळ २८७ धावा करता आल्या. ज्यामध्ये त्याची सर्वोच्च धावसंख्या १०४ धावा होती. त्याचप्रमाणे मनोजने टी-२० मध्येही पदार्पण केले पण ३ सामन्यात १५ धावा करता आल्या त्या नंतर त्याला संघातून वगळण्यात आले होते.