भारतीय संघाचा माजी अष्टपैलू खेळाडू इरफान पठाण याने ऑस्ट्रेलियात खेळल्या जाणार्‍या आगामी T-२० विश्वचषक २०२२ साठी त्याच्या सर्वोत्तम प्लेइंग इलेव्हनची निवड केली आहे. इरफान पठाणने या संघात अनुभवी क्रिकेटपटू दिनेश कार्तिकची यष्टिरक्षक-फलंदाज म्हणून निवड केली आहे.
भारत आणि दक्षिण आफ्रिका यांच्यात झालेल्या टी-२० मालिकेत दोन्ही संघांनी २-२ सामने जिंकले. तर एक सामना पावसा मुळे वाहून गेला. या मालिकेत ऋषभ पंतची कामगिरी अत्यंत निराशाजनक असल्याने सर्व दिग्गज क्रिकेटपटूंनी त्याला विश्रांती घेण्यास सांगितले आहे. आयपीएल २०२२ मधील पंतची कामगिरीही अत्यंत निराशाजनक होती.
इरफान पठाणने स्टार स्पोर्ट्स मध्ये सांगितले की, ऑस्ट्रेलिया मध्ये तुम्हाला अनुभवी खेळाडूंची गरज आहे जे तुम्हाला सर्वोत्तम सुरुवात करून देऊ शकतात. तिथल्या खेळपट्ट्यां वर स्विंग आणि बाऊन्स दोन्ही पाहायला मिळतात. तुम्हाला विराट कोहली आणि रोहित शर्माची नितांत गरज असेल.
View this post on Instagram
तो पुढे म्हणाला की, कोहलीचा फॉर्म बर्‍याच काळा पासून निराशाजनक आहे, पण मला पूर्ण आशा आहे की तो ऑस्ट्रेलियात आपल्या लयीत परत येईल आणि जबरदस्त कामगिरी करेल. IPL २०२२ मध्ये विराट कोहलीने ३४१ धावा केल्या होत्या. दक्षिण आफ्रिके विरुद्धची मालिका आणि आगामी आयर्लंड मालिके साठी त्याला विश्रांती देण्यात आली आहे. आता तो भारता च्या इंग्लंड दौऱ्यात खेळताना दिसणार आहे.
भारताचा वेगवान फलंदाज सूर्यकुमार यादवला आपल्या संघात इरफान पठाण ने चौथ्या क्रमांका वर स्थान दिले आहे. इरफान पठाण पुढे म्हणाला की, हार्दिक पांड्याने पाचव्या क्रमांका वर फलंदाजी करावी आणि दिनेश कार्तिकने सहाव्या क्रमांका वर फलंदाजी करावी. सातव्या क्रमांका वर अष्टपैलू खेळाडू म्हणून रवींद्र जडेजा हा योग्य पर्याय असेल. या यादीत इरफान पठाणने फिरकी गोलंदाज म्हणून युझवेंद्र चहलचा समावेश केला आहे, तर वेगवान गोलंदाजीत भुवनेश्वर कुमार, जसप्रीत बुमराह आणि हर्षल पटेल यांची नावे या यादीत जोडली आहेत.
इरफान पठाणचा T-२० विश्वचषक २०२२ साठी प्लेइंग इलेव्हन संघ- केएल राहुल, रोहित शर्मा (कर्णधार), विराट कोहली, सूर्यकुमार यादव, हार्दिक पांड्या, दिनेश कार्तिक (विकेट कीपर), रवींद्र जडेजा, हर्षल पटेल, भुवनेश्वर कुमार, युझवेंद्र चहल, जसप्रीत बुमराह.