मराठी इंडस्ट्री असो वा बॉलिवूड आपल्या आवडत्या कलाकारां विषयी नवनवीन माहिती जाणून घ्यायची इच्छा कायमच त्यांच्या फॅन्सना असते. त्यामुळे ते सोशल मीडियावर आपल्या आवडत्या कलाकारांना फॉलो करत असतात. पण काही कलाकार मात्र सोशल मीडियावर तितकेसे अ‍ॅक्टिव्ह नसल्याने त्यांच्या खाजगी आयुष्याविषयी, कुटुंबाविषयी त्यांच्या चाहत्यांना अतिशय कमी माहिती असते. आजच्या या लेखातून आम्ही तुम्हाला अशाच एका आवडत्या अभिनेत्रीविषयीची माहिती सांगणार आहोत.
मराठीसह हिंदी आणि राजस्थानी सिनेमातही आपल्या बहारदार अभिनयाने नव्वदचं दशक गाजवणारी सौंदर्यवती अभिनेत्री म्हणजे वर्षा उसगांवकर! अभिनय, सौंदर्य आणि आपल्या दिलखेचक अदांनी आत्तापर्यंत त्यांनी विविध भूमिका गाजवल्या आहेत. मराठीसह हिंदीतील नामांकित दिग्गज कलाकारांसह त्या रुपेरी पडद्यावर देखील बऱ्याच वेळा झळकल्या आहेत. एकेकाळी मराठीतील आघाडीच्या अभिनेत्री म्हणून त्यांनी लौकिक मिळवला होता तो आजही अबाधित आहे! कारण त्यांना आजही चाहत्यांची प्रचंड फॅन फॉलोव्हिंग असून त्यांच्याविषयीच्या वेगवेगळ्या गोष्टी जाणून घेण्याची उत्सुकता त्यांच्या चाहत्यांना कायमच लागलेली असते.
वर्षा उसगांवकर आज चित्रपटात खूपच कमी काम दिसत असल्या तरी त्या अनेकदा वेगवेगळ्या समारंभात, पार्टींमध्ये, पुरस्कार सोहळ्यात आपल्याला पाहायला मिळतात. त्यांनी काही महिन्यांपूर्वी एका कोंकणी सिनेमात आणि पियानो फॉर सेल नावाच्या नाटकामध्ये काम केले होते. वर्षा यांनी प्रसिद्ध संगीत दिग्दर्शक रवीशंकर शर्मा यांचे पुत्र अजय शर्मा यांच्यासोबत लग्न केले असून वर्षाचे पती अनेकवेळा तिच्यासोबत फिल्मी समारंभात सोबत आलेले दिसतात. त्या दोघांच्या लग्नाला जवळजवळ १९ वर्षं पूर्ण झाली आहेत. अजय यांचे कुटुंब संगीत क्षेत्राशी संबंधित आहे तर वर्षा यांचे वडील सुप्रसिद्ध राजकारणी राहिलेले.
मराठी इंडस्ट्रीत १९८०-१९९० या कालावधीत आपल्या सुंदर निरागस अदाकारीमुळे प्रेक्षकांना भुरळ पाडणाऱ्या अभिनेत्रींमध्ये एव्हरग्रीन अभिनेत्री वर्षा उसगांवकर यांचे नाव अग्रक्रमाने घेण्यात येते. दिग्गज कलाकार अशोक सराफ, लक्ष्मीकांत बेर्डे आणि नितीन भारद्वाज यांच्यासोबत त्या अनेकदा चित्रपटात झळकल्या होत्या. शेजारी शेजारी, पटली रे पटली, घनचक्कर, मुंबई ते मॉरिशस, मज्जाच मज्जा, हमाल दे धमाल, कुठं कुठं शोधू मी तिला,गंमत जंमत, खट्याळ सासू नाठाळ सून, सगळीकडे बोंबाबोंब, भुताचा भाऊ, पसंत आहे मुलगी, आमच्या सारखे आम्हीच, ऐकावं ते नवलच, एक होता विदूषक असे अनेक त्यांचे अनेक चित्रपट बॉक्स ऑफिसवर ब्लॉकबस्टर हिट ठरले आहेत.
वर्षा यांनी आजच्या प्रवाहासोबत वाटचाल करीत जुने नवे कलाकार तसेच दिग्दर्शकांसोबतही यशस्वीपणे काम केले आहे.याच कारणामुळे आजही त्या कोणतीही भूमिका सक्षमपणे निभावू शकतात.९० च्या दशकात मराठी प्रेक्षकांच्या मनावर राज्य करणाऱ्या वर्षा उत्तम नृत्यांगना असून भूमिकेच्या मागणीनुसार नेहमीच त्यांनी आपली नृत्यकला प्रेक्षकांसमोर सादर केली आहे. सांगाती क्रिएशनची प्रस्तुती असलेल्या ‘जांवय नं. १’ या चित्रपटातुन त्या पुन्हा एकदा झळकणार आहेत.