क्रिकेट जगतातील सर्वात मनोरंजक आणि मजेदार T-२० इंडियन प्रीमियर लीगचा १५ वा हंगाम खेळला जात आहे. या हंगामा साठी एका मागून एक संघ ट्रॉफी साठी दावेदारी दाखवताना दिसत आहे. ज्या मध्ये दिल्ली कॅपिटल्स संघा कडे दुर्लक्ष करता येणार नाही. या वेळी दिल्ली कॅपिटल्स च्या संघातील समतोल खूप चांगला दिसत आहे.
या हंगामात दिल्ली कॅपिटल्स संघात अनेक उत्कृष्ट अष्टपैलू खेळाडू दिसत आहेत. ज्या मध्ये अक्षर पटेल, मिचेल मार्श, ललित यादव आणि शार्दुल ठाकूर सारखे खेळाडू आहेत, जे चेंडू आणि बॅट दोन्हीने चांगले योगदान देत आहेत. या चालू हंगामात दिल्ली कॅपिटल्स बद्दल बोलायचे झाले तर, सध्या संघ चढ- उतारांसह पुढे जात आहे. जिथे दिल्ली कॅपिटल्स ला २ सामन्यात पराभव पत्करावा लागला आहे, तर २ सामन्यात विजय मिळवला आहे. ज्या मध्ये केकेआर चा दिल्ली ने मागच्या सामन्यात पराभव केला होता.
शार्दुल ठाकूर दिल्ली कॅपिटल्स संघात अष्टपैलू योगदान देताना दिसत आहे. शार्दुल ठाकूर ने त्याच्या आयपीएल संघातील अष्टपैलू खेळाडूंना सर्वात खास मानले आहे. शार्दुल म्हणाला की, कोणत्याही टी-२० संघात अष्टपैलू खेळाडू असणे अधिक चांगले असते. शार्दुल ठाकूर म्हणाला, आमच्या फलंदाजीत खूप खोली आहे. जितके अधिक अष्टपैलू खेळाडू असतील तितके टी-२० मध्ये कोणत्या ही संघा साठी चांगले होईल.
View this post on Instagram
तो पुढे म्हणाला की, जर तुम्ही सुरवातीला विकेट गमावल्या तर ६, ७ आणि ८ व्या क्रमांका वर फलंदाजी करणाऱ्या खेळाडूंची भूमिका महत्त्वाची ठरते. च्या आयपीएल या हंगामातील संघातील वातावरणा बाबत तो म्हणाला, संघातील वातावरण खूप चांगले आहे. संघात अनेक तरुण खेळाडू आहेत आणि आम्ही सर्व मित्र आहोत कारण आम्ही गेल्या काही काळा पासून एकत्र खेळत आहोत. मला प्रत्येक सामन्यात प्रभाव पाडायचा आहे आणि म्हणूनच मी खूप उर्जेने खेळत आहे.
संघ योग्य दिशेने वाटचाल करत आहे आणि आमचे मुख्य प्रशिक्षक रिकी पाँटिंग नेहमीच आम्हाला आमचा नैसर्गिक खेळ खेळायला सांगतात परिस्थिती कोणतीही असो. तो आम्हाला सपोर्ट करतो म्हणून आम्ही नेहमी आमचे सर्वोत्तम कामगिरी करण्याचा प्रयत्न करतो.