आपण सर्वच आयपीएलचे चाहते आहोत आणि जेव्हा देशात आयपीएल सुरू होते, तेव्हा वेगळे काही विशेष उरत नाही. आयपीएल हा राष्ट्रीय स्तरावरील खेळ आहे जो दरवर्षी देशात आयोजित केला जातो. अनेक भारतीय खेळाडूंसोबतच अनेक परदेशी खेळाडूही आयपीएलमध्ये सहभागी होतात. कोरोनाच्या काळात बहुतांश खेळांचे सामने रद्द झाले होते, तेव्हाही लॉकडाऊनच्या मध्यावर यूएईमध्ये आयपीएल सामन्याचे आयोजन करण्यात आले होते आणि यावेळीही आयपीएलला लोकांचे भरभरून प्रेम मिळाले.
आयपीएल ही सध्या जगातील सर्वात मोठी क्रिकेट लीग बनली आहे. जगातील प्रत्येक खेळाडूला आयपीएलमध्ये एकदा तरी खेळायचे असते. १५ वर्षांपूर्वी आजच्याच दिवशी आयपीएलचा पहिला हंगाम खेळला गेला होता. ज्यामध्ये केकेआरचा सामना आरसीबीशी झाला. अशा परिस्थितीत आयपीएलच्या १५ वर्षांनंतर बीसीसीआयने एक व्हिडिओ शेअर केला आहे. आयपीएलचे सर्वात महत्त्वाचे क्षण या व्हिडिओमध्ये ठेवले आहेत.
१५ वर्षानंतर आता त्याचा एक व्हिडिओ शेअर करण्यात आला आहे. या व्हिडिओमध्ये चाहते आयपीएलच्या इतिहासातील सर्वात खास क्षण पाहू शकतात. या व्हिडिओमध्ये मॅक्युलमची १५८ धावांची खेळी आणि सचिनचे पहिले आयपीएल शतकही आहे. हा व्हिडिओ आयपीएलच्या अधिकृत साइटवर अपलोड करण्यात आला आहे.
परंतु ,तुम्हाला या पाठीमागच्या इतिहास माहित आहे का? चला तर मग जाणून घेऊ IPL चा रोमांचक इतिहास. आयपीएलचा पहिला सीझन २००८ मध्ये खेळला गेला होता. १८ एप्रिल ते १ जून या कालावधीत आयपीएल २००८ चे आयोजन करण्यात आले होते. पहिल्या आयपीएलमध्ये आठ संघ सहभागी झाले होते. यादरम्यान लीगमध्ये ५९ सामने खेळले गेले.
BCCI (भारतीय क्रिकेट नियामक मंडळ) ने २००७ साली इंडियन प्रीमियर लीग सुरू करण्याची घोषणा केली होती आणि या घोषणेच्या एक वर्षानंतर म्हणजेच 2008 मध्ये ही लीग सुरू करण्यात आली होती. या लीगची घोषणा झाल्यानंतर काही महिन्यांनी या लीगच्या संघांच्या फ्रँचायझींची विक्री झाली. लोकांनी संघाची फ्रँचायझी घेण्यासाठी बोली लावली होती, ज्या व्यक्तीने किंवा ट्रस्टने जास्त बोली लावली, त्या लोकांना संघाची फ्रेंचायझी मिळाली. अशा प्रकारे बेंगळुरू, चेन्नई, दिल्ली, हैदराबाद, राजस्थान, कोलकाता, पंजाब आणि मुंबई संघांना त्यांचे मालक मिळाले. मात्र, जसजसा खेळ पुढे सरकत गेला तसतसे काही संघ बाहेर गेले आणि नवीन संघ जोडले गेले.