क्रिकेटच्या खेळात सलग धावा करणे थोडे सोपे आहे, पण क्रिकेटच्या तिन्ही फॉरमॅट मध्ये सातत्याने धावा करणे म्हणजे नारळाच्या झाडावरून नारळ तोडण्यासारखे आहे. म्हणजे अवघड आहे. अनेकदा असे दिसून आले आहे की जो फलंदाज कसोटीत चांगला खेळतो तो एकदिवसीय आणि टी-२० मध्ये उत्कृष्ट कामगिरी दाखवू शकत नाही, तर जो एकदिवसीय आणि टी-२० मध्ये चांगली कामगिरी करतो तो कसोटीत अयशस्वी ठरतो.
क्रिकेट विश्वात असे काही खेळाडू आहेत जे तिन्ही फॉरमॅटमध्ये आपले स्थान पक्के करण्यात यशस्वी झाले आहेत, ज्यामध्ये सचिन तेंडुलकर, वीरेंद्र सेहवाग, विराट कोहली, सौरव गांगुली, राहुल द्रविड आणि एमएस धोनी यांसारख्या खेळाडूंचा समावेश आहे. यापैकी सचिन तेंडुलकर आणि राहुल द्रविड भारतासाठी फक्त १ टी-२० खेळले आहेत आणि त्यानंतर दोघांनीही युवा खेळाडूंसाठी टी-२० आंतरराष्ट्रीय क्रिकेट सोडले होते, तर दादाने भारतासाठी एकही टी-२० खेळलेला नाही. मात्र असे असतानाही या तिन्ही खेळाडूंनी आयपीएलच्या टी-२० फॉरमॅट मध्ये चमक दाखवली आहे. क्रिकेट विश्वात या खेळाडूंच्या नावावर तिन्ही फॉरमॅट मध्ये अनेक विक्रमांची नोंद आहे. असे असूनही, भारतीय क्रिकेट मध्ये असे दोन खेळाडू आहेत, ज्यांनी T-२० आणि ODI मध्ये चांगली कामगिरी केली असली तरी त्यांना कसोटीत यश मिळवता आलेले नाही. आज आम्ही तुम्हाला अशाच दोन खेळाडूंबद्दल सांगणार आहोत जे कसोटीत यशस्वी खेळाडू होऊ शकले नाहीत.
सुरेश रैना
सुरेश रैनाने क्रिकेट विश्वात शानदार खेळी खेळून संघाला विजय मिळवून दिला आहे. एक काळ असा होता की ‘रैना है ना’ ही घोषणा खूप प्रसिद्ध असायची, पण आज रैनाने आंतरराष्ट्रीय क्रिकेटला अलविदा केल्यामुळे ही घोषणा इतिहासाच्या पानात कैद झाली आहे. भारतासाठी त्याने टी-२० आणि एकदिवसीय सामन्यांमध्ये अप्रतिम कामगिरी केली आहे. रैना जेव्हा क्रीजवर होता तेव्हा सगळ्यांच्या अपेक्षा उंचावल्या होत्या, पण कसोटी क्रिकेटमध्ये या खेळाडूला ते अप्रतिम करता आले नाही. कदाचित हा दिग्गज खेळाडू झटपट क्रिकेटसाठी घडवला गेला असे म्हटल्यास वावगे ठरणार नाही. त्यामुळे सुरेश रैनाला मिस्टर आयपीएल असेही म्हटले जाते. मधल्या फळीत फलंदाजी करणाऱ्या रैनाने केवळ भारताला विजय मिळवून दिला नाही, त्याच बरोबर त्याने आयपीएलमध्ये चेन्नईसाठी अनेक सामनेही जिंकले आहेत.
भारतासाठी सुरेश रैनाने २२६ एकदिवसीय सामन्यांमध्ये १९४ डावांमध्ये ५ शतके आणि ३६ अर्धशतकांच्या मदतीने एकूण ५६१५ धावा केल्या आहेत ज्यात ३६ विकेट्स आहेत. जर आपण T-२० बद्दल बोललो तर त्याने भारतासाठी एकूण ७८ T-२० सामने खेळले आहेत आणि १ शतक आणि ५ अर्धशतकांच्या मदतीने त्याने ६६ डावात एकूण १६०५ धावा केल्या आहेत, ज्यामध्ये १३ विकेट्सचा समावेश आहे. त्याच्या कसोटी कारकिर्दीवर नजर टाकली तर १८ कसोटी सामन्यांच्या ३१ डावात त्याने १ शतक आणि ७ अर्धशतकांच्या मदतीने एकूण ७६८ धावा केल्या आहेत ज्यात १३ विकेट्स आहेत. आकडेवारीच्या आधारे रैना कसोटीत अधिक यशस्वी होऊ शकला नाही असे म्हणणे चुकीचे ठरणार नाही.
युवराज सिंग
क्रिकेट जगतावर राज्य करणाऱ्या युवराज सिंगने T-२० आणि ODI मध्ये धमाकेदार कामगिरी केली आहे. एकेकाळी क्रिकेट विश्वात युवराजच्या नावाची भीती होती. गोलंदाजी असो की फलंदाजी सर्वत्र युवी फेमस होता. हा दिग्गज खेळाडू दोन वेळा विश्वचषक जिंकणाऱ्या संघाचाही भाग आहे. T-२० विश्वचषक २००७ मध्ये युवराजने ६ चेंडूत सलग ६ षटकार मारण्याचा विक्रम केला होता, तर एकदिवसीय विश्वचषक २०११ मध्ये युवराज मालिकावीर ठरला होता.
त्याने २००० साली भारताकडून वनडे क्रिकेटमध्ये पदार्पण केले होते. त्याने आपल्या कारकिर्दीत एकूण ३०४ एकदिवसीय सामने खेळले आणि २७८ डावात १४ शतके आणि ५२ अर्धशतकांच्या मदतीने ८७०१ धावा केल्या आणि १११ विकेट्सही घेतल्या होत्या. त्याच वेळी त्याने २००७ साली टी-२० मध्ये पदार्पण केले आणि ५८ सामन्यांच्या ५१ डावांमध्ये, युवीने ८ अर्धशतकांच्या मदतीने ११७७ धावा केल्या व २८ विकेट्सही घेतल्या आहेत. कसोटी क्रिकेटमध्ये युवराज सिंगने २००३ मध्ये पदार्पण केले होते. ४० सामन्यांच्या ६२ डावांमध्ये ३ शतके आणि ११ अर्धशतकांच्या मदतीने त्याने एकूण १९०० धावा आणि ९ बळी घेतले होते. आकडेवारीच्या आधारे युवी कसोटीत फारसा यशस्वी होऊ शकला नाही, असे म्हटल्यास वावगे ठरणार नाही.