एकदिवसीय मालिकेनंतर, भारत आणि वेस्ट इंडिज यांच्यात (IND vs WI T-२०) तीन सामन्यांची T-२० मालिका खेळली जाणार आहे. या मालिकेतील पहिला सामना (IND vs WI T-२०) 16 फेब्रुवारी रोजी कोलकाता येथे होणार आहे, परंतु त्याआधी भारतीय संघाला दोन मोठे झ’टके बसले आहेत, ज्याची माहिती बीसीसीआयनेच दिली आहे. दोन खेळाडूंना T-२० मालिकेतून (IND vs WI T-२०) वगळण्यात आले आहे.
खरं तर, टीम इंडियाचा सलामीवीर KL राहुल आणि फिरकीपटू अक्षर पटेल वेस्ट इंडिज विरुद्ध खेळल्या जाणार्‍या तीन सामन्यांच्या T-२० मालिकेतून (IND vs WI T-२०) बाहेर गेले आहेत. अशी माहिती बीसीसीआयने दिली आहे. एका निवेदनात, बीसीसीआयने म्हटले आहे की उपकर्णधार केएल राहुलला दुसऱ्या एकदिवसीय सामन्यात क्षेत्ररक्षण करताना हॅमस्ट्रिंगचा त्रास जाणवला होता, त्यानंतर त्याला तीन सामन्यांच्या T-२० मालिकेतून वगळण्यात आले आहे. त्याचवेळी अक्षर पटेलने कोरोना मधून बरे झाल्यानंतर प्रशिक्षण सुरू केले आहे. अशा परिस्थितीत तो ही तीन सामन्यांच्या T-२० मालिकेतूनही (IND vs WI T-२०) बाहेर गेला आहे.
🚨 NEWS 🚨: KL Rahul and Axar Patel ruled out of @Paytm #INDvWI T20I Series. #TeamIndia
The All-India Senior Selection Committee has named Rututaj Gaikwad and Deepak Hooda as replacements.
More Details 🔽
— BCCI (@BCCI) February 11, 2022
विशेष म्हणजे हे दोन्ही खेळाडू आता बंगळुरू येथील नॅशनल क्रिकेट अकादमीमध्ये रिकव्हरीसाठी जाणार आहेत. फलंदाज केएल राहुल आणि फिरकीपटू अक्षर पटेलच्या जागी आता ऋतुराज गायकवाड आणि दीपक हुडा यांचा टी-२० संघात समावेश करण्यात आला आहे. आम्ही तुम्हाला सांगतो की T-२० मालिकेसाठी उपकर्णधार कोण असेल याची अद्याप घोषणा झालेली नाही कारण सध्या केएल राहुल टीम इंडियाचा उपकर्णधार आहे. या शर्यतीत श्रेयस अय्यर आणि ऋषभ पंत यांची नावे चर्चेत असल्याचे बोलले जात आहे.
टी-२० मालिकेसाठी टीम इंडिया- रोहित शर्मा (कर्णधार), इशान किशन, विराट कोहली, श्रेयस अय्यर, सूर्यकुमार यादव, ऋषभ पंत, व्यंकटेश अय्यर, दीपक चहर, शार्दुल ठाकूर, रवी बिश्नोई, युझवेंद्र चहल, वॉशिंग्टन सुंदर, मोहम्मद सिराज, भुवनेश्वर कुमार, अवेश पटेल, हरिराम खान, ऋतुराज गायकवाड , दीपक हुडा. हा भारतीय संघ वेस्टइंडीज बरोबर टी-२० सामने खेळताना दिसेल.