अभिनेत्री अनुष्का शर्मा आणि भारतीय क्रिकेट संघाचा माजी कर्णधार विराट कोहलीची मुलगी वामिकाचे फोटो सोशल मीडियावर व्हायरल होत आहेत. दक्षिण आफ्रिका आणि भारत यांच्यातील तिसऱ्या एकदिवसीय सामन्यादरम्यान विराट कोहली आणि अनुष्का शर्मा यांची मुलगी वामिकाचे फोटो सोशल मीडियावर व्हायरल झाले होते. यादरम्यान अनेक वृत्तवाहिन्यांनी वामिकाचे फोटो आणि व्हिडिओ सोशल मीडियावर शेअर करण्यास सुरुवात केली होती. रविवारी अनुष्का आपल्या मुलीसह स्टेडियममध्ये पोहोचली आणि विराटने ५० धावा केल्यानंतर दोघेही जल्लोष करताना दिसले. यादरम्यान, ब्रॉडकास्टरचा कॅमेरा त्यांच्याकडे वळला आणि अनुष्काच्या मांडीवरचे वामिकाचे फोटो सर्वत्र व्हायरल झाले.
तिच्या मुलीच्या व्हायरल होणाऱ्या फोटोंवर अनुष्का शर्माची प्रतिक्रिया आली आहे. विराट कोहली आणि अनुष्का शर्मा यांनीही याआधी प्रत्येकाला आपल्या मुलीचा फोटो क्लिक न करण्याचे आवाहन केले होते. इन्स्टाग्रामवर स्टोरी शेअर करताना अनुष्काने लिहिले – आमच्या मुलीचा फोटो काल स्टेडियममध्ये क्लिक करण्यात आला आणि तो फोटो सतत शेअर केला जात आहे. आम्ही तुम्हा सर्वांना सांगू इच्छितो की, कॅमेर्‍यांची नजर आमच्यावर होती हे आम्हाला कळले नाही.
अनुष्काने लिहिले – मुलीच्या चित्राबाबत आमचा दृष्टिकोन सारखाच आहे. आम्ही अपेक्षा करतो की तुम्ही वामिकाचे चित्र क्लिक किंवा प्रिंट करू नये. या मागचे कारण आम्ही तुम्हाला आधीच सांगितले आहे. बॉलीवूड अभिनेत्री अनुष्का शर्मा आणि भारतीय क्रिकेट संघाचा कर्णधार विराट कोहली हे आई-वडील झाल्यापासून सतत चर्चेत असतात. गेल्या वर्षी ११ जानेवारीला अनुष्काने एका छोट्या मुलीला जन्म दिला होता आणि तेव्हापासून चाहते तिच्या मुलीचा फोटो पाहण्यासाठी आतुर झाले होते.
विराटने हीच इंस्टाग्राम स्टोरी त्याच्या अकाऊंटवर शेअर केली आहे. त्याचवेळी चाहतेही अनुष्का आणि विराटला या स्टँडवर पाठिंबा देत असून सोशल मीडियावर फोटो आणि व्हिडिओ शेअर न करण्याची चर्चा सुरू झाली आहे.
विराट आणि अनुष्काने आधीच स्पष्ट केले होते की ते आपल्या बाळाला मीडिया आणि लाइमलाइटपासून दूर ठेवतील आणि वेळ आल्यावर तिला समोर आणतील. विशेष म्हणजे अनुष्का शर्मा बऱ्याच दिवसांपासून चित्रपटांपासून दूर आहे. अनुष्का शेवटची शाहरुख खानसोबत ‘झिरो’ चित्रपटात दिसली होती. नुकतेच अनुष्काने तिच्या पुढील चित्रपटाची घोषणा केली आहे. भारतीय क्रिकेट संघाचा प्रसिद्ध खेळाडू झुलन गोस्वामी याच्यावर हा चित्रपट बनणार असून त्याचे नाव आहे चकडा एक्सप्रेस आहे.