खालिद मोहसेन अल शारी, ज्याला एके काळी जगातील सर्वात वजनदार किशोरवयीन म्हटले जाते, त्याने वजन इतके कमी केले आहे की त्याला ओळखणे देखील कठीण आहे. २०१३ मध्ये जेव्हा तो १७ वर्षांचा होता त्याचे वजन ६१० किलो होते. एकेकाळी जगातील सर्वात वजनदार किशोरवयीन म्हटला जाणारा, आता ओळखणे कठीण आहे. खालिद मोहसेन अल शारी नावाच्या या व्यक्तीने आपले वजन अशा प्रकारे नियंत्रित केले आहे की त्याला पाहून सर्वजण आश्चर्यचकित झाले आहेत. यासाठी खालिदने रुग्णालयात कठोर आहार आणि व्यायामाचा अवलंब केला आहे.
खालिद आता २९ वर्षांचा असून तो सौदी अरेबियात राहतो. लठ्ठपणामुळे तो घराबाहेरही निघू शकत नव्हता. २०१३ मध्ये सौदीचे दिवंगत राजे अब्दुल्ला याची माहिती मिळाल्यावर त्याने खालिदवर उपचार करण्याचा विचार केला होता. यासाठी खालिदला लठ्ठपणामुळे चालता येत नसल्याने अमेरिकेतून आयात केलेल्या क्रेनने घराबाहेर काढण्यात आले होते.
यानंतर त्याला उपचारासाठी रियाधमधील किंग फहद मेडिकल सिटीमध्ये नेण्यात आले. तेथे त्याच्यावर काही वर्षे उपचार सुरू होते. त्यावेळी खालिदचे वजन ६१० किलो होते. उपचारापूर्वी त्याला तीन वर्षे घरातच कोंडून ठेवले होते. खालिदच्या उपचारासाठी डॉक्टरांनी एक मोठी कस्टम-बिल्ट व्हीलचेअर बांधली होती. डॉक्टरांच्या मदतीने खालिदने अवघ्या ६ महिन्यांत अर्ध्याहून अधिक वजन कमी केले होते.
२०१६ मध्ये खालिद ज्याला जगातील सर्वात वजनदार किशोरवयीन म्हटले जाते, त्याने स्वतःचा एक व्हिडिओ देखील शेअर केला होता, ज्यामध्ये तो झिमर फ्रेमसह चालताना दिसत होता. त्याच्या शरीरातील अतिरिक्त त्वचा काढण्यासाठी जानेवारी २०१८ मध्ये शेवटची शस्त्रक्रिया करण्यात आली होती.
खालिदने सांगितले की, वजन कमी करण्यासाठी त्याने केवळ शस्त्रक्रियाच केली नाही तर नियमित व्यायामही केला होता. आपल्या आहाराकडेही लक्ष दिले होते. डॉक्टरांच्या सल्ल्यानुसार तो आहार घेत होता. खालिदचे आताचे फोटो पाहून कोणीही सांगू शकत नाही की त्याचे वजन एकेकाळी ६१० किलो होते. आता त्याचे वजन ६३ किलो आहे आणि तो निरोगी आयुष्य जगत आहे. प्रत्येक व्यक्तीला त्याच्या वजनाची खूप काळजी असते. पण खूप कमी लोक असतात जे वजन वाढल्यानंतर ते कमी करण्याचे मार्ग शोधतात आणि नंतर वजन कमी करण्याचा प्रयत्न करतात. कारण वजन वाढवणे जितके सोपे आहे तितकेच ते कमी करणे कठीण आहे.